نوێ

کۆیله

هێمن  ره‌ئووف‌

 

وام ده‌زانی تۆیش وه‌ک به‌هار

 

وه‌رزێکیتو تێده‌په‌ڕی

  

وام ده‌زانی گوڵێكیتو

 

دوای هه‌فته‌یه‌ک هه‌ڵده‌وه‌ری

   

وام ده‌زانی وه‌کو لاولاو

 

به‌س به‌یانیان پێده‌که‌نی

   

بۆیه‌ هه‌رگیز

 

بڕوام نه‌بوو هۆگرتبم

   

بڕوام نه‌بوو وه‌ک سنه‌وبه‌ر

 

له‌ زستانا دره‌ختێکی کریسمس و

 

له‌ هاویندا سێبه‌رت بم

   

که‌چی هاتی

 

به‌ده‌ر له‌گشت دیمه‌نێکی سه‌رنج فڕێن

 

وه‌ک ئه‌هریمه‌ن فریوتدام

   

هاتی و بێ هیچ دۆکۆمێنتێکی یاسایی

 

سنوری خاکت به‌زاندم

 

له‌دارت دام

   

وورده‌ وورده‌ ده‌بیت به‌به‌شێک له‌خاکم

 

شێوه‌و ڕه‌نگت

 

له‌ گشت وێستگه‌یه‌کی له‌شما جێده‌هێڵی

   

کۆنترۆلی حه‌زه‌کانم

 

ده‌گریته‌ ده‌ست

 

پۆلیتیکی خه‌ونه‌کانت

 

چۆنی بوێت ده‌مجوڵێنی