وه‌ره‌ هاوڕێم

 

با پێکه‌وه‌ بزمارێکی پۆڵایین بین

 

پارچه‌کانی ئه‌م په‌یکه‌ره‌ داریینه‌مان

 

تووند و تۆڵ که‌ین

   

وه‌ره‌ با (با)ی شه‌ماڵێ بین

 

گوڵ و خونچه‌ی ئه‌م باخچه‌یه‌

 

پڕ له‌ ڕه‌نگ و پڕ له‌ هه‌ست که‌ین

 

  

وه‌ره‌ و با وه‌ک

 

گوێ چه‌مێکی

 

ده‌م گوندێێکی نیشتیمان بین

 

هه‌م باڵنده‌ و

 

هه‌م په‌پوله‌ و

 

هه‌م عاشقان له‌‌ باوه‌شمان

 

شادمانکه‌ین .

 

  

وه‌ره‌ هاوڕێم

 

با پێکه‌وه‌

 

گزنگێکی ده‌م به‌یانی

 

ئه‌م وڵاته‌ خاپوره‌ بین .

   

با پێکه‌وه‌ باراناوی

ئاسمانێکی

 

پڕ له‌ فرمێسک و له‌ خه‌م بین

   

تابتوانین

 

پیسییه‌کان بشۆینه‌وه‌ و

 

شه‌خه‌ڵ و پیسیی نه‌هێڵین

   

بۆ به‌هاریش

 

له‌ پێده‌شتی

 

زه‌مینی ئاڵتونییماندا

 

سه‌وز سه‌وز

 

گژوگیایه‌کی ڕه‌نگ گه‌ش و

 

گوڵو گه‌ڵای پڕ له‌ بۆن و

 

پڕ له‌ هێمای ئاوه‌دانی

 

بۆ داهاتوو به‌رهه‌م بێنین .