نوێ

سیناریۆی چرکه‌یه‌ک له‌ خه‌یاڵم

   

هێمن ڕه‌ئووف

  

   

* ئه‌م چرکه‌یه‌ی خه‌یاڵی من ئاوا خۆزگه‌ی بوونت ده‌کات :

    

ماچێکی ته‌ڕ له‌ لێوی تۆ

 

چه‌ندین ساڵی

 

ته‌مه‌نێکی وشکی

 

بێتۆیی ده‌هێنێ !

     

هه‌ناسه‌یه‌ک

 

له‌گه‌رووی تۆ بێته‌ ده‌رێ

 

هه‌رچی هه‌وای سازگاری دنیایه‌ دێنێ !!

     

ئه‌بێ چیتر

 

وه‌ک چێژی تێک ئاڵانی تۆ

 

برسێتی ڕۆحم بشکێنێ !

     

ئه‌ی بۆ ده‌بێ

 

که‌شتییه‌ک یان فڕۆکه‌یه‌ک

 

ئۆتۆمبێلێ یان قه‌تارێ

 

له‌به‌ختی مندا نه‌مێنێ

 

تۆم بۆ بێنێ ؟

    

* ئه‌مه‌ سیناریۆی چرکه‌یه‌ک خه‌یاڵی هێمنیی من بوو :

     

ئه‌ی ده‌بێ

 

بۆ چه‌ند خوله‌کێ

 

یان کاتژمێر و چه‌ند ڕۆژێ

 

مانگێ دوومانگ

 

ساڵێ زه‌مه‌نێ ته‌مه‌نێ

 

هزر و هۆشم له‌ بێتۆییدا

 

چۆن شینی بێتۆیی کات

     

ئه‌بێ چه‌ند تابلۆی حه‌زین

 

چه‌ند شاکاری پڕ له‌ گرین و پێکه‌نین

 

دابهێنێ و

 

له‌ ده‌روونما نمایشی

 

ئه‌م بێتۆییه‌ تاڵه‌ کات !!!!!