ئه‌ی هه‌ور هێور به‌

 

هێمن ڕه‌ئووف

 

 

ئەی ئاسمان

 

سبەی یارم دێتە حزوری ساماڵییت

 

بێگەرد بمێنەرەوە و ڕووساف بە

 

سبەی خۆشبەخت تۆی

 

ئەو پەرییە بەنێو ئاپۆرەی ئەستێرەکانتدا تێدەپەڕێت

 

 

 

ئەی هەور هێور به

‌

سبه‌ی شازادە دەگاتە ئاسمان

 

مه‌گرمێنه‌ و مه‌بروسکێنه

‌

ئه‌و بارانه‌ له‌سینه‌تدا بهێڵه‌وه‌ و مه‌یبارێنه

‌

ببه‌ به‌ که‌پر و به‌ سابات

 

ته‌رزی سه‌رپه‌لی ئه‌م مێوه‌ی خه‌یاڵی من مه‌وه‌رێنه

‌

 

 

ئه‌ی زه‌وی به‌رین به

‌

سبه‌ی ڕۆژێکی پیرۆزه

‌

ئه‌م فریشته‌ خوداییه‌ی خه‌ونه‌کانم

 

له‌ بستێکی تۆدا داده‌به‌زێت

 

په‌یامێکی ئه‌فسانه‌یی هه‌ڵگرتووه

‌

به‌یته‌کانی قه‌سیده‌ی ئه‌م عه‌شقه‌ی منه

 

‌sep 2009